دونتس الشيكولاته

أنا بعشق الشيكولاته بكل أنواعها وأي حلويات أو مشروبات بتتعمل بالشيكولاته, بحس كدة وأنا باكلها إن مودي بيتحسن ومزاجي بيبقي كويس وببقي مبسوط لما بعمل وصفة حلويات فيها شيكولاته وأولادي بيبقي عندهم نفس الإحساس, علشان كدة عايز أقولكم علي وصفة من الوصفات الحلوة اللي بتتعمل بيها وهي الدونتس بالشيكولاته وصدقيني هاتحبيها إنت وأولادك جدا.


 زمن التحضير : 15 دقيقة

 زمن الطهي  : 15 دقيقة

 يكفي لعدد   : 4 أفراد


 المقادير

مقادير الدونتس

  • 1 كوب دقيق متعدد الأغراض.
  • 1/4 كوب سكر بني.
  • 1/4 كوب سكر أبيض.
  • 1/4 كوب كاكاو بودره.
  • 1/2 كوب لبن.
  • 1 ملعقة صغيرة بيكينج بودر.
  • 1 ملعقة صغيرة فانيليا.
  • 1/4 ملعقة صغيرة ملح.
  • 1 بيضة مخفوقة .
  • 3 ملاعق كبيرة زيت.

مقادير التزيين

  • 3 ملعقة كبيرة زبدة.
  • 1 كوب شيكولاته مقرمشة “شوكليت شيبس”.
  • 1 ملعقة كبيرة عسل.

 طريقة التحضير والطهي



  1. لتحضير الدونتس أحضري قالب الدونتس وادهنية بقليل من الزبدة وسخني الفرن لمدة 10 دقائق.
  2. في وعاء متوسط ضعي الدقيق والسكر البني والأبيض والكاكاو البودرة والبيكينج بودر والفانيليا والملح واخلطيهم جيدا, ثم أحضري وعاء متوسط آخر وضعي فيه اللبن والزيت وامزجيهم جيدا ثم أضيفيه علي المكونات السابقة وامزجي جميع المكونات جيدا حتي يعطيكي قوام سلس.
  3. صبي الخليط في قالب الدونتس بحيث يكون بارتفاع 2/3 القالب تقريبا ثم أدخلية الفرن لمدة 10 دقائق تقريبا حتي ينضج ثم أخرجيه من الفرن واتركي الدونتس تبرد تماما.
  4. لتحضير مكونات تزيين الدونتس أحضري وعاء متوسط ضعي الزبدة السائلة ونصف كمية الشيكولاتة المقرمشة والعسل وضعيهم في الفرن الساخن حتي تذوب الشيكولاته ثم امزجيهم جيدا حتي يعطيكي قوام سلس.
  5. أخرجي الدونتس من القالب وضعيه علي طبق التقديم وباستخدام ملعقة كبيرة ضعي من خليط الشيكولاته علي الدونتس ثم قومي بتزيينه بباقي كمية الشيكولاته المقرمشة علي وجه الدونتس, ثم أدخلية في الثلاجة لمدة 30 دقيقة وقدميه بالهنا والشفا.

 ملاحظات

  • يمكنك استبدال الشيكولاته المقرمشة بالشيكولاته الجاهزة مع وضع القليل من الشيكولاته المبشورة للتزيين.


 مصدر الوصفة

 مصدر الصورة

Print Friendly, PDF & Email
مشاركة - Share

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *