كفتة داوود باشا

أنا بصراحة ماعرفش ليه اسمها كده؟ لكن اللي أعرفه إن كفتة داوود باشا من أشهر أنواع الكفتة في الوطن العربي, وهي أكلة بعض الناس قالوا إنها أردنية الأصل وناس تانية قالوا إنها تركية الأصل وده طبعا مش هايفرق معانا, مع “مطبخينا” هانعرف مع بعض الطريقة البسيطة لعملها.


زمن التحضير : 15 دقيقة

زمن الطهي  : 45 دقيقة

يكفي لعدد   : 4 أفراد


المقادير

  • 1 كيلو لحمة مفرومة.
  • 1 بصلة كبيرة مفرومة ناعم.
  • 4 فصوص ثوم مفروم ناعم.
  • 1 ملعقة صغيرة ملح أو حسب الرغبة.
  • 1 كوب شوربة أو كوب ماء ساخن مذاب فيه مكعب مرق.
  • 1/2 ملعقة صغيرة فلفل أسود.
  • 3 ملعقة كبيرة زبدة او سمن.
  • 1 كوب عصير طماطم.
  • 1/2 ملعقة صغيرة حبهان مطحون ناعم.

 طريقة التحضير والطهي

  1. في وعاء متوسط ضعي اللحمة المفرومة والبصل “اتركي مقدار نصف ملعقة كبيرة لاستخدامها لاحقا” ونصف ملعقة ملح وربع ملعقة فلفل أسود والحبهان المطحون واخلطيهم جيدا واتركيهم لمدة 10 دقائق للتتبيل.
  2. ضعي قلاية عميقة علي نار متوسطة ثم ضعي فيها ملعقة زبدة وخذي من اللحمة المفرومة مقدار ملعقة كبيرة واعمليها علي شكل كرات دائرية وحمريها في القلاية ثم اخرجيها بعد التحمير في إناء آخر.
  3. في نفس القلاية التي حمرتي فيها كرات اللحم ضعي باقي الزبدة ثم أضيفي الثوم المفروم وشوحية حتي تشمي رائحة الثوم ثم أضيفي نصف ملعقة البصل وشوحية حتي يذبل فقط ثم أضيفي عصير الطماطم والشوربة واتركي الخليط يغلي علي نار عالية لمدة 5 دقائق ثم خفضي النار حتي يتم تماسك قوام عصير الطماطم “تدخل في مرحلة التسبيك”.
  4. أضيفي كرات اللحم إلي الطماطم وقلبيهم جيدا ثم تابعي التقليب كل 10 دقائق حتي تنضج وبالهنا والشفا.

 ملاحظات

  • استمرار تقليب كرات اللحم بعد وضعها في الصلصة يجعلها تتفتت.
  • تقدم هذه الوصفة مع الأرز والسلطة الخضراء.

 مصدر الوصفة

 مصدر الصورة

مشاركة - Share

اترك تعليقاً

لن يتم نشر عنوان بريدك الإلكتروني.

إعلان
إلي أعلي